Rinia e "RinON" fiton përvojë praktike në media dhe debat publik

Në këtë sezon ju dha mundësia 12 të rinjve për t’u bërë pjesë për herë të parë e këtij programi. Ata u trajnuan në Akademinë e Edukimit Politik në sesione intensive në katër ditë me lektorë të vlerësuar ne fushat relevante. Procesi pasoi me trajnime të tjera në televizion me qëllim aftësimin në fushat e komunikimit mediatik dhe debatit publik. Pas këtij rrugëtimi ata u përballën me aktorë kyç politik në nivel lokal nga dy kahet politike më të mëdha ne vend Partia Socialiste dhe Partia Demokratike, për të diskutuar problematikat e 12 bashkive qendër qarku në Shqipëri. 
Pjesëmarrësit e rinj nëpërmjet aftësive të thelluara të mendimit kritik, komunikimit dhe debatit, nxitën politikanët drejt transparencës, llogaridhënies, debatit konstruktiv dhe ndarjes së planifikimit afatgjatë për politika lokale të qëndrueshme.  

Rrjeti i të rinjve pjesëmarrës në sezonet RinOn dhe RinVote vazhdon të mbetet aktiv dhe i angazhuar përmes shkëmbimit, transferimit të njohurive dhe përvojës në kuadër të sezonit të ardhshëm.