Fondacioni bashkëpunon me organizata dhe shoqata të ndryshme që janë të angazhuara në mënyrë aktive në zhvillimin demokratik të vendit. Pavarësisht nga numri në rritje i OJQ-ve në Shqipëri, organizatat e shoqërisë civile janë në një pozicion mjaft të dobët. Mund të vërehet se shumë organizata kanë një strukturë operative dhe kapacitet institucional të dobët. Për këtë arsye ata nuk janë në gjendje të punojnë siç duhet në interes të qytetarëve. Me angazhim të fortë, FES-i në Shqipëri përpiqet të forcojë shoqërinë civile dhe angazhimin qytetar dhe të nxisë një përfaqësim të aktorëve të ndryshëm në këtë fushë.

Popullsia është e ndikuar fuqishëm nga kultura politike vendore e cila gjithashtu ka një përvojë të shkurtër në demokraci. Kështu, pas rënies së diktaturës, nuk ka pasur zëvendësim të plotë të elitave apo nje edukim të publikut të gjerë. Prandaj, në një periudhë afatgjatë, një ndryshim themelor është i mundur vetëm nëpërmjet një "socializimi politik" të gjeneratës së sotme dhe duke qasur vlerat demokratike evropiane. Meqenëse shumica e popullsisë së Shqipërisë është nën moshën 30 vjeçare, FES-i e vlerëson të rëndësishme mbështetjen e të rinjve në zhvillimin dhe promovimin e interesave të tyre.

FES-i në Shqipëri angazhohet për të inkurajuar pjesëmarrjen shoqërore dhe politike të rinisë dhe shoqërisë civile.

Bashkarisht planifikojmë dhe zbatojmë:

• Takime publike dhe shkolla verore
• Seminare dhe Workshop-e
• Fushata rinore
• Dialog dhe shkëmbime informacioni me aktorë të ndryshëm
• Diskutime publike