Politika rinore lokale – Masterplanet e punësimit

Programi vjetor filloi me ngritjen e kapaciteteve të 12 koordinatorëve lokal për planifikimin strategjik dhe u pasua me 12 takime konsultative online. Keto takime sollën bashkë organizatat rinore në 12 bashki, vendimmarrësit lokal nga këshillat bashkiak dhe administratat e bashkive, ekspertë lokal dhe kombëtar, përfaqësues të zyrave të punës dhe partnerë të cilët kanë qenë aktiv në fushën e punësimit përgjatë vitit e më gjerë. Vëmendja u përqëndrua në të dhënat dhe incentivat lokale, kërkesat e të rinjve, sfidat dhe mundësitë për krijimin e mikroklimës mbi nxitjen e punësimit.

Faza e dytë e këtij projekti mundësoi realizimin e workshop-it strategjik me ekspertë të njohur të fushës së punësimit dhe ekonomisë. Ky workshop kontribuoi në përmbajtjen dhe orientimin e 12 masterplaneve të punësimit. Përgjatë tij skuadra e projektit përfitoi informacion dhe analizë të thelluar mbi kuadrin ligjor kombëtar dhe ndërkombëtar të nxitjes së punësimit, strategjitë dhe planet ekzistuese të veprimit, fondet në dispozicion dhe qasjen shumëpalëshe, trendet e punësimit, sipërmarrjen dhe rolin e institucioneve lokale në kornizën e punësimit të të rinjve.

12 masterplanet e punësimit për rininë kanë ngritur themelet e nje bashkëpunimi afatgjatë midis strukturave rinore dhe institucioneve. Ato gjithashtu ofrojnë një tablo të mirë të dhënash, analizë dhe planifikim konkret për nxitjen e punësimit të të rinjve në nivel lokal.

Për më shumë informacion, ju lutem shkarkoni planet e punësimit në linkun e mëposhtëm:

krk.al/local-youth-policy-master-employment-plans/